دوای هەژدە مانگ لە پەسەندکردنی یاسای رزگاربووانی ئێزدی، حکومەتی عێراق دەبێت ڕۆژێکی نێودەوڵەتی بۆ ساڵیادی جینۆسایدی دژی ئێزدی و مەسیحی و شەبەک و تورکمانە شیعەکان لەلایەن داعێشەوە دیاری بکات
بەغدا، 01ی ئەیلوولی 2022
– ئەنجوومەنی نوێنەرانی عێراق یاسای ژمارە 8ی رزگاربووانی ئێزدی لە 1ی ئازاری 2021 پەسەند کرد. یاساکە بەتەنیا بەفەرمی دان بە کردەوەی جینۆساید و تاوانی دژ بە مرۆڤایەتی نانێت، کە لەلایەن داعشەوە دژی کۆمەڵگەی ئێزیدی و تورکمان و مەسیحی و شەبەک ئەنجام دراوە، بەڵکو ئەو ئەرکەی بە وەزارەتی دەرەوە سپاردووە، بۆ ئاشکراکردنی تاوانەکانی داعش لەسەر ئاستی نێودەوڵەتی. هەر لەبەر ئەم هۆکارەش هاوپەیمانییەکی ڕێکخراوە ناحکومییەکانی عێراق (هاوپەیمانی بۆ قەرەبووکردنەوەی دادپەروەرانە) بەیاننامەیەک بڵاودەکاتەوە و داوا لە دەسەڵاتدارانی عێراق دەکات، کە ڕێبەرایەتی بکەن بۆ بەجیهانیی ناساندنی جینۆسایدی ئێزیدییەکان، مەسیحییەکان، شەبەکەکان و تورکمانە شیعەکان.
حەلا سەفیل، چالاکوانێکی رزگاربووی ئێزیدی، ئەندامانی ئەنجومەنی رزگاربووانی هاوپەیمانی بۆ قەرەبووکردنەوەی دادپەروەرانە، وتی:
“وەك رزگاربوویەك، هیواخوازم 3ی ئاب بکرێت بە رۆژێكی نێودەوڵەتی بۆ یادكردنەوەی جینۆسایدی ئێزدییەكان. ئەگەر كۆمەڵگەی نێودەوڵەتی ڕەزامەندی خۆی نیشان بدات، ئەوا رەنگدانەوەی لەسەر كۆمەڵگەی ناوخۆیی ئێمە لە عێراقیش دەبێت و ڕۆڵی دەبێت لە بەدیهێنانی دادپەروەری بۆ ڕزگاربووان و خێزانەکانیان لە عێراق”
حوسێن زەینال , بەڕێوەبەری ڕێکخراوی داد بۆ مافەکانی کەمینەکان، کە ڕێکخراوێکی ناحکومییە و داکۆکی لە مافەکانی کۆمەڵگەی شەبەک لە عێراق دەکات، وتی:
“ڕاگەیاندنراوەکەی ڕێکخراوی UNGA لە ٣ی ئاب وەک ڕۆژێکی نێودەوڵەتی بۆ وەبیرهێنانەوەی جیهان لەو تاوانانەی کە لەلایەن داعشەوە بەرامبەر کەمینەکان ئەنجام
دراون، چەندین ئاماژەی هەیە، کەمترینیان شکاندنی بێدەنگی جیهانە بۆ ئەوەی لەبەرامبەر ئەوەی ڕوویداوە.”
لێرە بەیاننامەکە دابگرە
