ڕزگاربووان پێویستییان بە چ قەرەبووەکردنەوەیەکە؟
- ئێمە ئاییندەی خۆمان دەوێت، مەسەلەکە هەر پارە نییە.
- قەرەبووی ئەخلاقی و مادی
- بگەڕێن بۆ خەڵکە ونبووەکانمان، ئێمە ئێستا هیچ زانیارییەکمان نییە لەسەر چارەنووسیان
- ئاگاتان لە منداڵە بێداک و باوکەکان بێت، ئەوانەش کە دایک و باوکیان دیار ونن.
- ئاوارەکان قەرەبووی مادی بکەنەوە و سەلامەتییان بۆ دابین بکەن بۆ ئەوەی بتوانن بگەڕێنەوە سەر ماڵ و جێی خۆیان
- نەخۆشخانە و قوتابخانە بکەنەوە
- لە بابەتی تۆمارکردن و ئەوانەدا هاوکاریمان بکەن بۆ ئەوەی بتوانین پاسپۆرتی خۆمان هەبێت و کارتی نیشتەجێبوونمان بۆ بکرێت.
- ئێمە پێویستمان بە مووچەیەک و ژیان و هەلی کارە بۆ ئەوەی بتوانن خێزانەکانمان بژیەنین.
- پێویستیمان بە بەڵگەنامەی مردنە بۆ مردووەکانمان و ئەوانەش کە بێسەروشوێنن
- پێویستمان بە مووچەیەکە بۆ ئەوەی بچینە سەروو هێڵی هەژارییەوە و ژیانێکی شایستە بژین
- من هەست بە زەبری دەروونی دەکەم لەسەرم و پێویستیم بە هاوکاریی دەروونییە
- دڵدانەوەیەکی باش دەبێت بۆ ئێمە ئەگەر حکومەت گۆڕی بەکۆمەڵ بۆ قوربانییەکانمان دروست بکات
- قەرەبووی خێزانەکانی دەرەوەی عێراق بکەنەوە
- بەدوای کەسە بێسەروشوێنەکاندا بگەڕێن، لاشەی ئەوانە بدۆزنەوە کە کوژراون.
- وەک جینۆساید بیناسێنن
- قەرەبووی مادی و هاوکاریی دەروونیمان پێشکەش بکەن.
- خولی ڕاهێنانی پیشەیی و چاودێریی تەندروست و داننان بە پێشێلکارییەکانی مافی مرۆڤدا بکەنەوە
- شوێنی یادکردنەوە بنیات بنێن
- پارێزراویی نێودەوڵەتیمان بۆ دابین بکەن
- ڕێز لە ئایینەکەمان بگرن.
ڕزگاربووان بۆ لێپرسراوانی دەوڵەت
- خێراتر کار بکرێن لەسەر دەرکردنی یاسای تایبەت بە ژنانی یەزیدیی ڕزگاربوو بۆ ئەوەی بتوانرێت قەرەبووەکە بەزوویی بدرێت
- ئەو یاسایانە باشتر بکەن کە پەیوەندیدارن بەم بابەتەوە بۆ ئەوەی ئەو کەسانە بێسەروشوێنن وەک شەهید هەژمار بکرێن و خێزانەکانیان قەرەبوو وەربگرن.
- دەمانەوێت حکومەت ئاگای لە کامپەکانی سووریا بێت، هێشتا ژن و منداڵیان تێدان. یان دەبێت ئەو عێراقییانەی لە کامپەکانی سووریادان بهێنرێن بۆ ئێرە یان ئێمە بۆمان هەبێت سەردانیان بکەین بۆ ئەوێ. پێویستیمان بە چارەسەرێکە بۆ ئەم کێشەیە.
- با قەرەبووکردنەوەمان نەکەوێتە ١٠ ساڵی تر. کەسمان ناتوانین لە عێراقدا بمێنێنەوە بەبێ قەرەبووکردنەوە. هەست دەکەم هیچ ئاییندەیەکم لە عێراقدا نییە.
- پارێزگاریی نێودەوڵەتیمان بۆ دابین بکەن و بگەڕێن بۆ گۆڕی بەکۆمەڵ.
چاوەڕوانییەکانی ڕزگاربووان لە ھاوپەیمانی بۆ قەرەبووکردنەوەی دادپەروەرانە
- چاوەڕیی ئەوەتان لێ دەکەین هەموو شتێکمان بۆ بکەن، سوپاس کە ئەم هاوپەیمانێتییەتان دامەزراندووە.
- هیوام هەیە کە ئەم هاوپەیمانێتییە دەنگمان دەگەیەنێت بە حکومەت
- هیوادارم هاوپەیمانێتییەکە ڕێگەی یاسایی بەکاربهێنێت بۆ فشارخستنەسەر حکومەت تا سۆراخی کەسانی بێسەروشوێن بکات و پێویستە ژنان و پیاوانیش مافی خۆیان بۆ دابین بکرێت. هیوای باشمان بە هاوپەیمانێتییەکە هەیە.
- دەنگمان بگەیەنن تا چارەسەرێک بۆ ئەم کێشەیەمان بدۆزرێتەوە. زۆر هیلاک بووین.
- بەبێ گوێدانە پێشەینەمان، داواکارییەکانمان بگەیەننە حکومەت. هیوادارم زوو بەدەم داواکانمانەوە بێن. بەڕاستی زۆر هیلاکین. ئەمە بابەتە زۆر زۆری پێ چوو.
- ئێمە ئەم قەرەبووەمان پێ دەشێت. هیوامان پێتانە کە وەک نوێنەری ئێمە لای حکومەت کارمان بۆ بکەن.
ڕزگاربووان دەیانەوێت لە کوێ قەرەبوو وەربگرنەوە؟
- ئێمە هیوامان وایە لە شوێنەکانی خۆمان قەرەبوومان بکەنەوە نەک لە ناو کامپەکاندا. دۆخی کامپەکان زۆر نالەبار و سەختە. خێزانێکی ١٠ ئەندامی لە خێمەیەکدا دەژین. ئەوە پێنج ساڵە لە خێمەداین، هەرچەندە دەبووایە شەش مانگ بووایە. دەمانەوێت بگەڕێینەوە بۆ شوێنەکانی خۆمان.
- زۆر هیوادارین کە قەرەبووکردنەوە لە شوێنێکی تر بێت و لەناو ئەم خێمانەدا نەبێت. ئێمە لەم خێمانەدا ئازار و ناڕەحەتی دەچێژین. ئێمە دەگەڕێینەوە بۆ شوێنەکانی خۆمان بەڵام حکومەت سەلامەتی و پارێزراویمان بۆ مسۆگەر بکات. زۆر کەس دەڕۆن و وڵاتەکە جێ دەهێڵن چونکە سەقامگیری لە عێراقدا نییە.
دادپەروەری
- پێویستە حکومەت تاوانباران بهێنێتە بەردەم دادگا بەڵام بۆ خەڵکی بێتاوان ئێمە نامانەوێت ئەوان هیچیان لێ بکرێت.
- پێویستە دادگایەک هەبێت کە بتوانێت تاوانباران بهێنەتە بەردەم خۆی و دادگاییەکی دادپەروەرانەیان بکات.
- یەزیدییەکان ئازاری زۆریان چەشت. ناتوانین ئەوە لەبیر بکەین کە بەسەرمان هات. زۆر خراپیان بەسەر هێناین. هیچ خێزانێکی یەزیدی نییە کە زەبری گەورەی بەرنەکەوتبێت.
- لێبوردەیی گرنگە بەڵام ئەوەی بەسەر ئێمەیان هێنا نادادپەروەرییەکی زۆر گەورە بوو کە ئاسان نییە لێ خۆشبوونی.
