هاوپەیمانی بۆ قەرەبوکرنەوەی دادپەروەرانە پێشوازی لە هەوڵەکانی لێژنەی لێکۆڵینەوەو کۆکردنەوەی بەلگەکان CIGE دەکا بۆ توێژینەوەی دەربارەی ئەنجامدانی راوێژکردن بۆ قەرەبوکردنەوە سەبارەت بە : بەهێز کردنی رۆڵی قوربانیان لە پەرەپێدانی بەرنامەی قەرەبو کردنەوەی گشگیر.
راوێژ کردن لەگەڵ ئافرەتانی رزگاربووی ئێزیدی لە تاوانەکانی داعش دەربارەی بەرنامەی قەرەبوکردنەوە یارمەتیان دەدات بۆ دروستکردنی داهاتویان وە پرکردنەوەی کەلێنەکانی ئەم بەرنامەیە وە دەبێتە هۆکاری بەرزکردنەوی ئاستی هۆشیاری سەبارەت بە یاسای ژنان و کچانی ڕزگاربووی ئێزیدی کە ئێستا لە پەرلەمانی عێراقی گفتو گۆی لەسەر دەکرێ. ئەم راوێژکردنە سەکۆیەکە بۆ رزگاربوان و بواری رەخساندوە بۆ دەربرینی راو و بۆچونیان وە دلنیایان دەکاتەوە کە دەنگیان بیستراوە.
هاوپەیمانی بۆ قەرەبوکردنەوەی دادپەروەرانە راوێژی پێکراوە سەبارەت بەم لێکۆلینەوەیە وەو بەشدار بووە لە سەردانی مەیدانی وە پێداچونەوەی دەرئەنجامە کۆتاییەکەی. بە دڵنیاییەوە بلاوکردنەوەی ئەم لێکۆلینەوەیە یارمەتی هێنانە کایەوەی گفتوگۆیەکی گشتگیر دەدات لەسەر قەرەبو کردنەوەی قوربانیان وە گەیاندنی داواکاریان بۆ بریار بەدەستان.
هێشتا زۆر ماوە بکرێ بۆ قەرەبوکردنەوەی زیانەکان و یارمەتی بەرجەستە بۆ رزگاربوان و قوربانیانی دیکە. حکومەتی عێراق و حکومەتی هەرێمی کوردستان پێویستە هەموو هەولێک بدات بۆ گەراندنەوەی متمانەی رزگاربوان بە حکومەت بە هەموو ڕێگایەک لەوانە پەسندکردنی یاسای گونجاو و پڕبەپێست بۆ قەرەبوکردنەوەیان.
هاوپەیمانی بۆ قەرەبوکردنەوەی دادپەروەرانە بەپەرۆشەوە دەروانێتە کارکردن لەگەل CIGE لە داهاتوودا، پێمان وایە راوێژکردنی زیاتر لەگەڵ رزگاربوان لە کۆمەلگا زیان لێکەوتوەکانی تر وقوربانیانی تاوانە گەورەکان سەرەڕای قوربانیانی توندو تیژی پەیوەست بە ململانێوە پێویستە کاری لە پێشینە بن. وە ئێمە پشتگیری هەر هەوڵێک دەکەین بۆ ئەم مەبەستە.
