چالاکی بواری مافی مرۆڤ و ئەندامی دامەزرێنەری تۆڕی ڕزگاربووانی ئێزدی زینە خەڵات سولەیمان وتارێکی بەهێزی لە کۆنفرانسی UNAMI C4JRدا پێشکەش کرد کە لە ڕێکەوتی ٨ی کانوونی یەکەمی ٢٠٢٠دا بەڕێوەچوو. پەیامەکەی لە خوارەوە بخوێنەرەوە:
داعش پلانی ستراتیژی هەبوو بۆ لەناوبردنی شکۆمان. ئامانجیان تەنیا هێرش کردنە سەر ئێزدییەکان نەبوو، بەڵکو شەبەک و تورکمانی شیعە و کریستیان و کاکەیی و کەمینەکانی دیکەی عێراقیش لە دڕندەییەکانی داعش بێبەش نەبوون.
بۆ ئەوەی برینی ئەم کارەساتە جەرگبڕە ساڕێژبێتەوە، جیا لە پاڵپشتیی دارایی و تەندروستی و دەروونی، ڕزگاربووان پێویستیان بە پاڵپشتیی ئاکاریش هەیە. لە هەمووشی گرنگتر، ئەوان پێویستیان بە سەلامەتی و ئاسایش هەیە کە دەستەبەری دووبارەنەبوونەوەی ئەم ڕووداوانە بکات.
ئەمانە بە تەواوی مافی ڕزگاربووانن بێ جیاوازیی نەژادی و ئاینی، پێویستە بە شکۆوە بژین.
خاتوو سولەیمان ئاماژەی بەمانەی خوارەوەش کرد:
– ڕزگاربووان لە گفتوگۆکانی دادپەروەری تاوان و ڕاگوزەردا بەشدارییان پێبکرێت تاکو دادپەروەری بەدەست بهێنرێت.
– پێویستە لە لێکۆڵینەوە وهەوڵە یاساییەکاندا ڕزگاربووەکان لە ئاستی نەتەوەیی و نێودەوڵەتییشدا وەک خۆیان نمایندە بکرێن.
پێویستە شەڕکەرانی داعش دادگایی بکرێن.
دۆزینەوە و ئازادکردنی هەزاران منداڵ و ژنی ئێزدی کە تاکو ئێستا ونن
– داننان بە جینۆسایدی ئێزدییەکاندا
– ڕێگا بدرێت ئێزدییەکان بڕۆنەوە سەر زێدی خۆیان بە چارەسەرکردنی کێشەکانی نێوان حکومەتی ناوەندیی عێراق و حکومەتی هەرێمی کوردستان.
