لە ڕێکەوتی ٨ی کانوونی یەکەمی ٢٠٢٠دا، C4JR و UNAMI هەستان بە ئەنجامدانی کۆنفرانسێکی ئۆنڵاین لە ژێر ناوی “قەرەبووکردنەوەی ڕزگاربووانی توندوتیژی سێکسی پەیوەندیدار بە ململانێکانەوە لە عێراق – ڕێگای بەرەوپێشچوون” ئەم کۆنفرانسە ئەو کەسانەی کۆکردبوویەوە کە خاوەن بەرژەوندی هەمەجۆرن و خواستیان لەسەر چالاککردنی پڕۆژەیاسای قەرەبووکردنەوەی ڕزگاربووانی توندوتیژیی سێکسی لەلایەن داعشەوە لە عێراقە. بەشداربووانی کۆنفرانسەکە کۆدەنگ بوون لەسەر ئەوەی کە تەواوی ڕزگاربووان پێویستە سوودمەند بن لە پڕۆژە یاساکە، قەرەبووەکانیش پێویستە جگە لە قەرەبووی ماددی، چەندین خزمەتگوزاری گرنگی دیکە بگرنەوە لەوانە، دانپێدانانی سیمبولی کە دەستەبەری دووبارەنەبوونەوە دەکات. هەروەها، ڕزگاربووەکان و پێویستییەکانیان دەبێت ببنە ناوەندی کاروباری قەرەبووکردنەوەکان کە بڕیارە ئەنجام بدرێن. هاوپەیمانی بۆ قەرەبووکردنەوەی دادپەروەرانە داوا لە یاسادانەرانی عێراقی دەکات، سەرکردایەتی نیشان بدەن و لە ئاست چاوەڕوانیی ڕزگاربووەکاندا بن، ئەمەش لەڕێی تێپەڕاندنی پڕۆژە یاسای قەرەبووکردنەوەوە بەشێوەیەک کە لەگەڵ داخوازییەکانیان و باشترین مامەڵە نێودەوڵەتییەکاندا یەکانگیر بێت.
بەیاننامەی هاوبەش لە یازدەهەمین ساڵیادی جینۆسایدکردنی ئێزیدییەکاندا
هەولێر، هەرێمی کوردستان - عێراق - ٣ی ئابی ٢٠٢٥: ئەمڕۆ یازدەهەمین ساڵیادی ئەو کۆمەڵکوژییەیە کە داعش دژی ئێزدییەکان و کەمینەکانی دیکەی عێراق ئەنجامی دا. ڕۆژێکە بۆ ماتەمینی، ڕێزگرتن لە قوربانییان و گەیاندنی دەنگی ڕزگاربووان، هەروەها بیرهێنانەوەیەکە بۆ خستنە سەر ڕێی ماف و...
