یارمەتیدانی قوربانییانی ململانێکی سەردەمی داعش لە عێراقدا تا تێبگەن کە مافی قەرەبووکردنەوەیان هەیە
C4JR بەردەوامە لە بانگەشەکردن بۆ باشترکردن و چالاککردنی پڕۆژەیاسای ژنانی ئێزدیی ڕزگاربوو
بڵاوکراوەتەوە لە كانونی یه‌كه‌م 16, 2020
نوێنەرانی C4JR پڕۆژە یاسای ڕێکخراوەکەیان بۆ ئەندامانی لیژنەی ژنان و منداڵان لە پەرلەمانی عێراق د. بەهار مەحمود و ڕێزان شێخ دلێر پێشکەش کرد. هەردوو پەرلەمانتارەکە لە بەرواری ١٤ی کانوونی یەکەمی ٢٠٢٠دا پێشوازییان لە نوێنەرانی C4JR کرد لە ئۆفیسی خۆیان لە سلێمانی.
دوای ئەوەی بە گرنگیپێدانەوە گوێیان بۆ نوێنەرانی C4JR گرت، پەرلەمانتارەکان ئاماژەیان بەوە کرد کە ئەوەی لە توانایاندا بێت ئەنجامی دەدەن بۆ ئەوەی پێشنیارەکانی C4JR لە یاسای داهاتوودا جێگای بکرێتەوە.
هەروەها ئاماژەشیان بە هەوڵەکانی لەم دواییانەی لیژنەی کاروباری ژنان و منداڵاندا بۆ تێپەڕاندنی پڕۆژەیاسایەک کە چارەسەری دۆخی ناهەمواری ڕزگاربووانی داعش دەکات. لە کۆتاییشدا بەڵێنی ئەوەیان دا کە لە داهاتوودا بەردەوام دەبن لە هاریکاری و هەماهەنگی لەگەڵ هاوپەیمانییەتییەکە.
© هاوپەیمانی بۆ قەرەبووکردنەوەی دادپەروەرانە
دیزاین و گەشەپێدانی 