٢٥ ڕێکخراوی عێراقی هەوڵەکانیان یەک خست بۆ پێکهێنانی هاوپەیمانێتیی لەپێناو قەرەبووکردنەوەی دادپەروەرانە. ئەندامانی دامەزرێنەری هاوپەیمانێتییەکە ئەمانەن: ڕێکخراوی ئاسوودە، ڕێکخراوی دونیایەکی باشتر، ڕێکخراوی بیشکۆرین، ڕێکخراوی گەشەپێدانی مەدەنی، ڕێکخراوی ئێمە، ڕێکخراوی غەسین ئەلزەیتوون بۆ گەنجان، ڕێکخراوی حامووڕابی بۆ مافەکانی مرۆڤ، ڕێکخراوی هاریکار، دەزگای عێراقی بۆ گەشەپێدان، ڕێکخراوی ژیندا، دەزگای ژیان بۆ مافەکانی مرۆڤ، ڕێکخراوی داد بۆ مافی کەمایەتییەکان، ڕێکخراوی گوڵی لۆتوس، ڕێکخراوی ميثرا بۆ پەرەپێدان و ڕؤشنبیریی یارسانی، سەنتەری نەتەوەیی بۆ مافەکانی مرۆڤ، ڕێکخراوی نیشا، ڕێکخراوی ئاشتی و ئازادی، ڕێکخراوی شلۆمۆ بۆ بەدۆکۆمێنتکردن، ڕێکخراوی تەجدید عێراق، ڕێکخراوی ئاشتەوایی، دەزگای هاوکاریی تورکمانی، پەیمانگەی ژنانی ڕابەر، ڕێکخراوی هاریکاریی یاسایی ژنان، ڕێکخراوی یەزدا، ڕێکخراوی یەزیدی بۆ بەدۆکۆمێنتکردن.
هاوپەیمانێتیی قەرەبووی دادپەروەرانە هاوپەیمانێتییەکی نێوان کۆمەڵێک ڕێکخراوی کۆمەڵگەی مەدەنیی عێراقییە کە سەر بە زمان و نەتەوە و ئایینە جیاوازەکانی ناو عێراقن. هاوپەیمانێتییەکە پشتگیریی قەرەبووکردنەوەی ڕزگاربووان و قوربانییانی دیکەی ئەو تاوانانە دەکات کە لە ماوەی ململانێکانی سەردەمی بەناو دەوڵەتی ئیسلامی (داعش)دا لە عێڕاق و سووریادا ڕوویان داوە.
سەرەڕای ناسانی هاوپەیمانێتییەکە و دۆکۆمێنتە سەرەکییەکانی کە هەموو هەوڵە مەدەنییەکانیان تێدا باس کراوە بۆ زامنکردنی قەرەبووکردنەوەی قوربانییانی ململانێکان، ئەم چالاکییە سەکۆیەکی گرنگیش بوو بۆ قوربانییان تا لەڕێگەیەوە ئاشکرای بکەن پێویستییان بە چ جۆرە قەرەبوویەکە کە لایەنە پەیوەندیدارەکانی عێراق بیریان لێ بکەنەوە و دابینیان بکەن.
