هاوپەیمانی بۆ قەرەبووکردنەوەی دادپەروەرانە پێشوازی لەدەستپێشخەری نادیە دەکات وەک 26ەمین ئەندامی هاوپەیمانی بۆ قەرەبووکردنەوەی دادپەروەرانە، دەستپێشخەری نادیە پێکەوە کار دەکات لەگەڵ ڕێکخراوەکانی تری ئەندام بۆ داواکردنی دادپەروەری بۆ قوربانییە مەدەنییەکان لەو تاوانە سامناکەی کە لەکاتی ململانێی داعش لەعێراق ئەنجامدراون . ئەندامانی هاوپەیمانی خۆشحالن بە کارکردن لەگەل دەستپێشخەری نادیە بۆ ناسین و بەرزراگرتن و چاکسازی کردنی ئەو زیانانەی کە بەر ڕزگاربووانی توندوتیژی سێکسی پەیوەند بە ململانێ لە عێراق کەوتوون .
دەستپێشخەری نادیە ( NI ) تایبەتە بە بنیاتنانەوەی کۆمەڵگەکان لە قەیراندا و دابینکردنی پشتیوانی جیهانی بۆ ڕزگاربووانی توندوتیژی سێکسی . دەستپێشخەری نادیە لەگەڵ کۆمەڵگەی ناوخۆیی و هاوبەشی جۆراوجۆر لەسەر زەوی لە شەنگالی عێراق کاردەکات، بۆ دیزاین کردن و پاڵپشتیکردنی ئەو پرۆژانەی کە پەروەردە و چاودێری تەندروستی و بژێوی و ئاو و پاکژکردنەوە و پاکوخاوێنی و توانای ژنان لە ناوچەکەدا دەگەڕێننەوە، هەموو بەرنامەکانی NI بە ڕابەرایەتی کۆمەڵگا بەرێوەدەبردرێن ، وە لە لایەن ڕزگاربووەکانەوە سەرنجیان لەسەر دەدرێ و کار دەکەن بۆ بنیاتنانی ئاشتی درێژخایەن، دەستپێشخەری نادیە داوا لە حکومەت و ڕێکخراوە نێودەوڵەتییەکان دەکات، کە پشتگیری هەوڵەکانی بنیاتنانەوەی شەنگال بکەن، داوای دادپەروەری بۆ ئێزدییەکان بکەن، ئاسایش لە ناوچەکە باشتر بکەن و پشتگیری ڕزگاربووانی توندوتیژی سێکسی بکەن لە سەرتاسەری جیهاندا
تۆ دەتوانیت زانیاری زیاتر دەربارەی دەستپێشخەری نادیە لە ماڵپەڕەکەیان بدۆزیتەوە: www.nadiasinitiative.org
