یارمەتیدانی قوربانییانی ململانێکی سەردەمی داعش لە عێراقدا تا تێبگەن کە مافی قەرەبووکردنەوەیان هەیە
حکومەتى هەرێمى کوردستان هەنگاوێکى گرنگ دەنێت بەرەو لێپێچینەوە و قەرەبوو کردنەوەى تاوانەکانى داعش
بڵاوکراوەتەوە لە ئایار 10, 2021
حکومەتى هەرێمى کوردستان هەنگاوێکى گرنگ دەنێت بەرەو لێپێچینەوە و قەرەبوو کردنەوەى تاوانەکانى داعش
هاوپەیمانى بۆ قەرەبووکردنەوەى دادپەروەرانە پێشوازى دەکات لەو پرۆژە یاسایەى کە لەلایەن حکومەتى هەرێمى کوردستانەوە ئامادەکراوە و تایبەتمەندە بە پێکهێنانى دادگایەک بۆ تاوانەکانى داعش. ئەم دادگایە هاوشێوەى دادگاى تاوانى نێودەوڵەتى کۆمەک و هاوکارى کۆدەکاتەوە لە پێناو ساڕیژبوونى برینەکان و گەیشتن بە دادپەروەرى. ئەمە لەکاتێکدایە کە حکومەتى فیدراڵیش یاساى ڕزگاربوانى (ژنانى) یەزیدى تێپەڕاندووە، بەڵام هێشتا کارکردن بۆ قەرەبووکردنەوەى زیانى ڕزگاربووانى دەستى داعش تەواو نەبووە. یاساى ڕزگاربووانى (ژنانى) یەزیدى تەنها بەشێکى ئەو کەسانە دەگرێتەوە کە زەرەرمەندبوون، بۆیە بە هیواین کۆمەک کردنى ڕزگاربووان لە چوارچێوەى میکانیزمى دادپەروەرى تاوان لەلایەن حکومەتى هەرێمى کوردستانەوە ئەو بۆشاییە پڕبکاتەوە و پرۆسەى دادپەروەرى گوازراوە و قەرەبووکردنەوە بەرەو پێشتر ببات.
هاوپەیمانى بۆ قەرەبووکردنەوەى دادپەروەرانە – کە هاوپەیمانێتیەکە و لە سى و یەک ڕێکخراوى کۆمەڵگەى مەدەنى عێراقى پێکهاتووە، ئامادەیى خۆى دەردەبڕیت بەو پەڕى تواناى خۆى هاوکارى ئەم یاسایەى داهاتوو بکات کە پێوەرە نێودەوڵەتیەکان و باشترین پەیڕەوەکانى تێدا جێبەجێ بکرێت. هاوپەیمانى بۆ قەرەبووکردنەوەى دادپەروەرانە داوا دەکات لە بەرپرسانى حکومەتى هەرێمى کوردستان و ئەندامانى پەرلەمان کە بەشدارى بە ڕزگاربووان بکەن لە هەموو قۆناغەکانى داڕشتن و جێ بەجێ کردنى یاسایەکى ئاوا مەودا فراواندا.
© هاوپەیمانی بۆ قەرەبووکردنەوەی دادپەروەرانە
دیزاین و گەشەپێدانی 