كۆبوونه‌وه‌یه‌كی تەكنیكیی بۆ ته‌واوكردنی پڕۆژه‌یاسای کچان و ژنانی ڕزگاربووی ئێزیدی به هاوبه‌شی له‌گه‌ڵ تیمی پاڵپشتیی ته‌كنیكیی ڕێکخراوی نێودەوڵەتی کۆچ IOM و به ئاماده‌بوونی نێرده‌ی نه‌ته‌وه یه‌كگرتوه‌كان بۆ هاوكاریكردنی عیراق (یونامی) بەڕێوەچوو. كۆبوونه‌وه‌كه له هه‌ولێر له ڕێكه‌وتی 20 تا 22 ی دیسێمبه‌ر 2020 به‌ڕدەوام بوو.
له 21ی دیسێمبه‌ر، ئه‌ندامانی په‌رله‌مانی عێراق له لێژنەی كاروباری یاسایی، لێژنه‌ی مافی مرۆڤ، لێژنه‌ی مافی ئافره‌ت، لێژنه‌ی كار و كاروباری كۆمه‌ڵایه‌تی و په‌نابه‌ران، لێژنه‌ی شه‌هیدان، قوربانیان و زیندانیه سیاسیه‌كان، هه‌ڵسان به خستنە رووی پێشنیاره‌كانیان به ئامانجی باشتر كردنی پڕۆژه یاسای ئێزیدیەکان سەرەڕای C4JR ، پێشنیاری تر پێشكه‌شكرا له‌لایه‌ن هه‌ریه‌كه له كۆمسیۆنی باڵای مافه‌كانی مرۆڤ، لێژنه‌ی لێكۆڵینه‌وه و كۆكردنه‌وه‌ی به‌ڵگه‌كان،دامەزراوەی ده‌ستپێشخه‌ریی سەروەری یاسا، سه‌ندیكای پارێزه‌رانی ئه‌مریكی وه په‌یمانگای یاسا نێوده‌وڵه‌تیه‌كان و مافه‌كانی مرۆڤ.
نوێنەرى هاوپەیمانى بۆ قەرەبووکردنەوەى دادپەروەرانە، بەرێز حسن علی عمر تیشکى خستە سەر بڕگە سەرەکیەکانى پرۆژە یاساى قەرەبووکردنەوەى ڕزگاربوانى ململانێى پەیوەندیدار بە توندوتیژى سێکسى کە ئەنجام دراوە لەماوەى ململانێی داعش لە عێراق تاوەکو ڕەشنوسى سەرەتایی پڕۆژه‌یاسای کچان و ژنانی ڕزگاربووی ئێزیدی هاوتا بکرێت لەگەڵ ستانداردە نیێودەوڵەتیەکاندا. ئەم کۆبوونەوەیە لە کاتێکى گونجاو و قۆناغێکى هەستیاردا سازکرا بۆ ئامادەکردنى ڕەشنووسى دووەمى پرۆژە یاساى ئێزیدیەکان لە پەرلەمانى عێراق. هەر بۆیە هاوپەیمانى بۆ قەرەبووکردنەوەى دادپەروەرانە هیوا خوازە ئەمە ببێتە خاڵێکى وەرچەرخان بۆ تێپەڕاندنى یاساى قەرەبوو کردنەوە کە لە ئاست ویست و خواستى ڕزگاربوان بێ و لەگەڵ پەسەندترین ڕێکارى نێودەوڵەتیدا یەکبگرێتەوە.
